ဟိမ၀ႏၱာေတာင္တန္းနဲ႔ဘဂၤလားပင္လယ္ေအာ္ၾကားကျမန္မာျပည္မွာပဲေတြ႕နိုင္ေသာ ျမိဳ႕
ၿမိဳ႕ေပၚ(၃)ရပ္ကြက္နဲ႔ သူမတူတဲ့ၿမိဳ႕ ရခိုင္ျပည္ရဲ႕ေတာင္ဘက္အစြန္ဆုံး နာမည္တစ္လုံးတည္းၿမိဳ႕ ေတာမက ၿမိဳ႕မက်နဲ႔ ဂြတိဂြက်ႏိုင္တဲ့ၿမိဳ႕။ၿမိဳ႕ကို ေတာင္တန္းေတြနဲ႔ ကာရန္ၿပီး ပင္လယ္နဲ႔ အနားသတ္ထားတယ္။ ပင္လယ္ဟာ ၿမိဳ႕ရဲ႕အသက္ေသြးေၾကာျဖစ္ၿပီး ေတာင္တန္းဟာ ၿမိဳ႕ရဲ႕ ေအာက္စီဂ်င္ျဖစ္တယ္။
ဖူးေမ်ွာ္ျကည္ညိဳစရာေစတီ မ်ားမ်ားစားစားမ႐ွိဘူး ၿမိဳရဲ႕ဂုဏ္ေဆာင္ သိမ္ကုန္းေစတီဟာ ျပယုဂ္ပဲ ေစတီနည္းေပမယ့္ တရားပြဲက မနည္းခဲ့ဘူး ေခတ္ပညာတတ္ ေပါေပါမ်ားမ်ားထြက္ေပမယ့္အထက္တန္းေက်ာင္း တစ္ေက်ာင္းသာ႐ွိတဲ့ၿမိဳ႕။
ေက်ာင္းေတာ္ႀကီးဟာ အေဖာ္မဲ့ခ်င္ေပမယ့္ ေက်ာင္းသားေဟာင္းေတြရဲ႕ အာစရိယပူေဇာ္ပြဲေၾကာင့္ ႏွစ္တိုင္း အေဖာ္မမဲ့ခဲ့ဘူး။
ေက်ာင္းသားေဟာင္းေတြရဲ႕ ဒစ္စကိုျမဴးဇစ္ဟာ အသက္(၈၀)ေက်ာ္ ေက်ာင္းေတာ္ႀကီးကိုႏုပ်ိဳေစတယ္။
ၿမိဳ႕မွာ ဆက္သြယ္ေရးတာဝါတိုင္ အကုန္ ႐ွိတယ္ CDMA ၊MPT၊Telenor၊Orredoo နဲ႔ Mytel အစုံ႐ွိတယ္။ ဆက္သြယ္ေရးေတြ မေကာင္းခင္က ဆက္ဆံေရးေတြ ေကာင္းခဲ့ၾကတယ္ ဆက္သြယ္ေရးေကာင္းလာေတာ့ ဆက္ဆံေရးဟာ အုန္းလက္ဆန္လာတယ္ က်ိဳးတိုးက်ဲတဲ။
သူေဌးအစ သူေတာင္းစားအဆုံး ဖုန္းကိုင္ႏိုင္တဲ့အခါ ေဘာ္ဒါေဘာ္ကြၽတ္ေတြရဲ႕ လက္ဖက္ရည္ဝိုင္းဟာ အရင္လို မစိုေျပေတာ့ ငုံ႔လ်က္ကိုယ္စီသာ အလုပ္ေတြ႐ႈပ္ၾကေတာ့တယ္။
ဂြ႐ိုးလမ္းဟာ မတ္ေစာက္ေကြ႕ေကာက္သေလာက္ ၿမိဳ႕သူၿမိဳ႕သားေတြရဲ႕စိတ္ထားဟာ ေျဖာင့္စင္းတယ္။ ေရေပၚဆီ လကၡဏာေတြကို စိတ္မဝင္စားဘူး
တစ္ေယာက္နဲ႔တစ္ေယာက္ၾကားမွာ ဆက္ဆံေရးဟာ ဒဲ့ျဖစ္တယ္ ဒဲ့ေျပာတယ္ ဒဲ့႐ွင္းတယ္။
ၿမိဳ႕သူၿမိဳ႕သားေတြဟာ စကားႂကြယ္တယ္ စကားအရာမွာ လွေတာသားၿပီးရင္ ဂြသားလို႔ေတာင္ဆိုရမယ္ အစအေနာက္သန္ၾကတယ္ စိတ္ဆိုးတယ္ဆိုတဲ့ စကားလုံးဟာ ဂြမွာအရာမထင္ဘူး။
စည္း႐ုံးေရးေတြ ေကာင္းသေလာက္ စည္းလံုးေရးေတြ မေကာင္းခဲ့တာလည္း႐ွိတယ္ ေသြးထိုးတာ႐ွိသလို ေသြးဆိုးတာလည္း ႐ွိခဲ့တယ္။ အပ္က်တာေတာင္ သိတဲ့ၿမိဳ႕ဆိုေတာ့ မေကာင္းတာဆိုးတာ ၾကာ႐ွည္မခံဘူး။
ေဆး႐ုံ႐ွိတယ္ ရဲစခန္း႐ွိတယ္ တရား႐ုံး႐ွိတယ္ ဘဏ္႐ွိတယ္ သစ္ေတာ႐ုံး႐ွိတယ္ အားလုံးနီးပါး႐ွိတယ္ တရားဥပေဒစိုးမိုးမႈက ထင္သေလာက္မ႐ွိေပမယ့္ ရာဇဝတ္မႈ အကင္း႐ွင္းဆုံးၿမိဳ႕လို႔ ဆိုရမယ္ ခုထိ ၿမိဳ႕ဟာၿမိဳ႕လို မေနတတ္ မထိုင္တတ္ဘူး သူ႔အလွ သူ႔ဘဝ ပါးကြက္ၾကားေရၾကဲနဲ႔ ေက်းလက္အထာမွာ ျမန္မာဆန္ေနတဲ့ ရင္ဘတ္ထဲကၿမိဳ႕ ၊ဂြတိဂြက်တဲ့ ဂြၿမိဳ႕။
ရခိုင္ျပည္နယ္၏ ေတာင္ဘက္အစြန္းဆံုးၿမိဳ႕ ဧရာ၀တီတိုင္းႏွင့္ ရခိုင္ျပည္နယ္ နယ္စပ္ၿမိဳ႕လည္း ျဖစ္သည္။ ရခိုင္ကမ္းရိုးတန္းေဒသ ဘဂၤလားပင္လယ္ေအာ္ႀကီး၏ ေဘးတြင္တည္ရွိသည္။ ဟိမ၀ႏၱာေတာင္တန္း၏ သြယ္လွ်ေသးငယ္ေသာ ေတာင္စဥ္တစ္ခုျဖစ္သည့္ ရခိုင္ရိုးမေတာင္တန္းႀကီးအေနျဖင့္ ဂြၿမိဳ႕၏ အေရွ႕ဘက္ေတာင္စဥ္ေတာင္တန္း အေနျဖင့္တည္ရွိၿပီး ရခိုင္ကမ္းရိုးတန္းတစ္ေလွ်ာက္ ေတာင္စဥ္ေတာင္တန္းအျဖစ္ ျဖစ္ေပၚတည္ရွိသြားသည္။
ဂြၿမိဳ႕သို႔ ရန္ကုန္မွ ေမာ္ေတာ္ကားျဖင့္ ကုန္းလမ္းအတိုင္း သြာနိုင္သည္။ ရန္ကုန္ၿမိဳ႕မွ (၁၅၇)မိုင္ ကြာေ၀းသည္။ ရန္ကုန္ၿမိဳ႕မွ ေလေၾကာင္းလိုင္းျဖင့္ သံတြဲၿမိဳ႕သို႔ သြားေရာက္ၿပီး သံတြဲၿမိဳ႕မွ ဂြၿမိဳ႕သို႕ ကုန္းလမ္းခရီးေမာေတာ္ကားျဖင့္ သြားႏိုင္သည္။ သံတြဲၿမိဳ႕မွ ဂြၿမိဳ႕သို႔ (၈၅)မိုင္ကြာေ၀းသည္။
တည္းခိုစရာ အဆင့္ျမင့္တည္းခိုခန္းမ်ားလည္း ရွိပါသည္။ စားေသာက္စရာ သန္႔ရွင္းသက္ ရက္ေသာ စားေသာက္ဆိုင္မ်ားလည္း ရွိပါသည္။ ပင္လယ္ကမ္းေျခနားတြင္ တည္ရွိေသာေၾကာင့္ သန္႔ရွင္းလတ္ဆက္ေသာ ပင္လယ္အစားအစာမ်ား၊ ရခိုင္ရိုးမေတာင္တန္းႀကီးကို အေျချပဳ၍ စိုက္ပ်ိဳး ထားေသာ ဓါတုပစၥည္းမွ်လံုး၀မပါ၀င္ေသာ သဘာ၀အစာစာ၊ အသီးအရြက္ ( Organic Food ) မ်ားကို လည္းစားသံုးနိုင္ပါသည္။
ဆက္သြယ္ေရးအေနျဖင့္ MPT, Orredoo, Telenor ဆက္သြယ္ေရးကြန္ယက္မ်ားျဖင့္ အသံုး ျပဳႏိုင္သည္။ အင္တာနက္လိုင္းအားေကာင္းပါသည္။ လွ်ပ္စစ္ဓါတ္အားလိုင္းမွာ (၂၄) နာရီ ရရွိပါသည္။ဂြၿမိဳ႕၏ လူဦးေရမွာ စုစုေပါင္း တစ္သိန္းငါးေသာင္းခန္႕ရွိပါသည္။ အမ်ားစုမွာ ရခိုင္လူမ်ိဳးျဖစ္ၾက ၿပီး၊ ကရင္၊ ခ်င္းႏွင့္ ဗမာလူမ်ိဳးတို႔လည္းေရာေနာ ေနထိုင္ၾကသည္။
ရိုးရာယဥ္ေက်းမႈဓေလ့စရိုက္ မေပ်ာက္ပ်က္ဘဲ အမ်ိဳးဂုဏ္ကို ထိန္းသိမ္းေစာင့္ေရွာက္ေသာ ေနရာလည္းျဖစ္သည္။စီးပြားေရးအေနျဖင့္ ငါးဖမ္းလုပ္ငန္းကို အဓိကလုပ္ကိုင္ၾကၿပီး စိုက္ပ်ိဳးေရး၊ ေမြးျမဴေရးႏွင့္ ေဒသထြက္ကုန္မ်ားကိုလည္း စီးပြားျဖစ္ေရာင္း၀ယ္လုပ္ကိုင္ၾကသည္။
credit: ထက္ေဝစိုး(ဂြ)၊ရခိုင္ခရီးသြားလမ္းညႊန္
Unicode version
မြို့ပေါ်(၃)ရပ်ကွက်နဲ့ သူမတူတဲ့မြို့ ရခိုင်ပြည်ရဲ့တောင်ဘက်အစွန်ဆုံး နာမည်တစ်လုံးတည်းမြို့ တောမက မြို့မကျနဲ့ ဂွတိဂွကျနိုင်တဲ့မြို့။မြို့ကို တောင်တန်းတွေနဲ့ ကာရန်ပြီး ပင်လယ်နဲ့ အနားသတ်ထားတယ်။ ပင်လယ်ဟာ မြို့ရဲ့အသက်သွေးကြောဖြစ်ပြီး တောင်တန်းဟာ မြို့ရဲ့ အောက်စီဂျင်ဖြစ်တယ်။
ဖူးမျှော်ကြည်ညိုစရာစေတီ များများစားစားမရှိဘူး မြိုရဲ့ဂုဏ်ဆောင် သိမ်ကုန်းစေတီဟာ ပြယုဂ်ပဲ စေတီနည်းပေမယ့် တရားပွဲက မနည်းခဲ့ဘူး ခေတ်ပညာတတ် ပေါပေါများများထွက်ပေမယ့်အထက်တန်းကျောင်း တစ်ကျောင်းသာရှိတဲ့မြို့။
ကျောင်းတော်ကြီးဟာ အဖော်မဲ့ချင်ပေမယ့် ကျောင်းသားဟောင်းတွေရဲ့ အာစရိယပူဇော်ပွဲကြောင့် နှစ်တိုင်း အဖော်မမဲ့ခဲ့ဘူး။
ကျောင်းသားဟောင်းတွေရဲ့ ဒစ်စကိုမြူးဇစ်ဟာ အသက်(၈၀)ကျော် ကျောင်းတော်ကြီးကိုနုပျိုစေတယ်။
မြို့မှာ ဆက်သွယ်ရေးတာဝါတိုင် အကုန် ရှိတယ် CDMA ၊MPT၊Telenor၊Orredoo နဲ့ Mytel အစုံရှိတယ်။ ဆက်သွယ်ရေးတွေ မကောင်းခင်က ဆက်ဆံရေးတွေ ကောင်းခဲ့ကြတယ် ဆက်သွယ်ရေးကောင်းလာတော့ ဆက်ဆံရေးဟာ အုန်းလက်ဆန်လာတယ် ကျိုးတိုးကျဲတဲ။
သူဌေးအစ သူတောင်းစားအဆုံး ဖုန်းကိုင်နိုင်တဲ့အခါ ဘော်ဒါဘော်ကျွတ်တွေရဲ့ လက်ဖက်ရည်ဝိုင်းဟာ အရင်လို မစိုပြေတော့ ငုံ့လျက်ကိုယ်စီသာ အလုပ်တွေရှုပ်ကြတော့တယ်။
ဂွရိုးလမ်းဟာ မတ်စောက်ကွေ့ကောက်သလောက် မြို့သူမြို့သားတွေရဲ့စိတ်ထားဟာ ဖြောင့်စင်းတယ်။ ရေပေါ်ဆီ လက္ခဏာတွေကို စိတ်မဝင်စားဘူး
တစ်ယောက်နဲ့တစ်ယောက်ကြားမှာ ဆက်ဆံရေးဟာ ဒဲ့ဖြစ်တယ် ဒဲ့ပြောတယ် ဒဲ့ရှင်းတယ်။
မြို့သူမြို့သားတွေဟာ စကားကြွယ်တယ် စကားအရာမှာ လှတောသားပြီးရင် ဂွသားလို့တောင်ဆိုရမယ် အစအနောက်သန်ကြတယ် စိတ်ဆိုးတယ်ဆိုတဲ့ စကားလုံးဟာ ဂွမှာအရာမထင်ဘူး။
စည်းရုံးရေးတွေ ကောင်းသလောက် စည်းလုံးရေးတွေ မကောင်းခဲ့တာလည်းရှိတယ် သွေးထိုးတာရှိသလို သွေးဆိုးတာလည်း ရှိခဲ့တယ်။ အပ်ကျတာတောင် သိတဲ့မြို့ဆိုတော့ မကောင်းတာဆိုးတာ ကြာရှည်မခံဘူး။
ဆေးရုံရှိတယ် ရဲစခန်းရှိတယ် တရားရုံးရှိတယ် ဘဏ်ရှိတယ် သစ်တောရုံးရှိတယ် အားလုံးနီးပါးရှိတယ် တရားဥပဒေစိုးမိုးမှုက ထင်သလောက်မရှိပေမယ့် ရာဇဝတ်မှု အကင်းရှင်းဆုံးမြို့လို့ ဆိုရမယ် ခုထိ မြို့ဟာမြို့လို မနေတတ် မထိုင်တတ်ဘူး သူ့အလှ သူ့ဘဝ ပါးကွက်ကြားရေကြဲနဲ့ ကျေးလက်အထာမှာ မြန်မာဆန်နေတဲ့ ရင်ဘတ်ထဲကမြို့ ၊ဂွတိဂွကျတဲ့ ဂွမြို့။
ရခိုင်ပြည်နယ်၏ တောင်ဘက်အစွန်းဆုံးမြို့ ဧရာဝတီတိုင်းနှင့် ရခိုင်ပြည်နယ် နယ်စပ်မြို့လည်း ဖြစ်သည်။ ရခိုင်ကမ်းရိုးတန်းဒေသ ဘင်္ဂလားပင်လယ်အော်ကြီး၏ ဘေးတွင်တည်ရှိသည်။ ဟိမဝန္တာတောင်တန်း၏ သွယ်လျှသေးငယ်သော တောင်စဉ်တစ်ခုဖြစ်သည့် ရခိုင်ရိုးမတောင်တန်းကြီးအနေဖြင့် ဂွမြို့၏ အရှေ့ဘက်တောင်စဉ်တောင်တန်း အနေဖြင့်တည်ရှိပြီး ရခိုင်ကမ်းရိုးတန်းတစ်လျှောက် တောင်စဉ်တောင်တန်းအဖြစ် ဖြစ်ပေါ်တည်ရှိသွားသည်။
ဂွမြို့သို့ ရန်ကုန်မှ မော်တော်ကားဖြင့် ကုန်းလမ်းအတိုင်း သွာနိုင်သည်။ ရန်ကုန်မြို့မှ (၁၅၇)မိုင် ကွာဝေးသည်။ ရန်ကုန်မြို့မှ လေကြောင်းလိုင်းဖြင့် သံတွဲမြို့သို့ သွားရောက်ပြီး သံတွဲမြို့မှ ဂွမြို့သို့ ကုန်းလမ်းခရီးမောတော်ကားဖြင့် သွားနိုင်သည်။ သံတွဲမြို့မှ ဂွမြို့သို့ (၈၅)မိုင်ကွာဝေးသည်။
တည်းခိုစရာ အဆင့်မြင့်တည်းခိုခန်းများလည်း ရှိပါသည်။ စားသောက်စရာ သန့်ရှင်းသက် ရက်သော စားသောက်ဆိုင်များလည်း ရှိပါသည်။ ပင်လယ်ကမ်းခြေနားတွင် တည်ရှိသောကြောင့် သန့်ရှင်းလတ်ဆက်သော ပင်လယ်အစားအစာများ၊ ရခိုင်ရိုးမတောင်တန်းကြီးကို အခြေပြု၍ စိုက်ပျိုး ထားသော ဓါတုပစ္စည်းမျှလုံးဝမပါဝင်သော သဘာဝအစာစာ၊ အသီးအရွက် ( Organic Food ) များကို လည်းစားသုံးနိုင်ပါသည်။
ဆက်သွယ်ရေးအနေဖြင့် MPT, Orredoo, Telenor ဆက်သွယ်ရေးကွန်ယက်များဖြင့် အသုံး ပြုနိုင်သည်။ အင်တာနက်လိုင်းအားကောင်းပါသည်။ လျှပ်စစ်ဓါတ်အားလိုင်းမှာ (၂၄) နာရီ ရရှိပါသည်။ဂွမြို့၏ လူဦးရေမှာ စုစုပေါင်း တစ်သိန်းငါးသောင်းခန့်ရှိပါသည်။ အများစုမှာ ရခိုင်လူမျိုးဖြစ်ကြ ပြီး၊ ကရင်၊ ချင်းနှင့် ဗမာလူမျိုးတို့လည်းရောနော နေထိုင်ကြသည်။
ရိုးရာယဉ်ကျေးမှုဓလေ့စရိုက် မပျောက်ပျက်ဘဲ အမျိုးဂုဏ်ကို ထိန်းသိမ်းစောင့်ရှောက်သော နေရာလည်းဖြစ်သည်။စီးပွားရေးအနေဖြင့် ငါးဖမ်းလုပ်ငန်းကို အဓိကလုပ်ကိုင်ကြပြီး စိုက်ပျိုးရေး၊ မွေးမြူရေးနှင့် ဒေသထွက်ကုန်များကိုလည်း စီးပွားဖြစ်ရောင်းဝယ်လုပ်ကိုင်ကြသည်။
credit: ထက်ဝေစိုး(ဂွ)၊ရခိုင်ခရီးသွားလမ်းညွှန်
