“လူတစ်ယောက်ရဲ့ဘဝမှာ ပိုက်ဆံနဲ့ဝယ်ဖို့လိုအပ်တဲ့ ပျော်ရွှင်မှု (၄)မျိုး”

လူတစ်ယောက်ရဲ့ဘဝမှာ ပိုက်ဆံနဲ့ဝယ်ဖို့လိုအပ်တဲ့ ပျော်ရွှင်မှု (၄)မျိုး

ပျော်ရွှင်မှုကို ငွေနဲ့ဝယ်လို့မရဘူးဆိုတဲ့ စကားလေးတစ်ခွန်းကို လူတိုင်းကြားဖူးကြမှာပါ။

အဲ့ဒါဟာ အလွန်မှန်ကန်တဲ့ စကားလေးဖြစ်ပြီး ငွေရှိပေမယ့်လည်း အတ္တတွေ၊ မာနတွေ ဖုံးလွှမ်းပြီး စိတ်ကောင်းမရှိရင်၊ ဘ၀မှာ ကိုယ့်ကိုချစ်တဲ့သူ၊ ကိုယ်ကချစ်တဲ့သူတွေ မရှိရင်၊ နွေးထွေးမှု မရှိရင် ရှိတဲ့ ပိုက်ဆံတွေဟာ အလကားပဲဆိုတာကို သတိပေးထားတာလည်းဖြစ်ပါတယ်။

ဒါပေမယ့် စိတ်မကောင်းစွာနဲ့ပဲ ပိုက်ဆံရှိမှ လုပ်လို့ရမယ့် အရာတွေဆိုတာလည်း ရှိကိုရှိနေပါတယ်။ ဖတ်ကြည့်ပါဦးနော် …။

(၁) တခြားသူတွေအတွက်မျှဝေခြင်း ”

ကိုယ့်ထက် အားနည်းချို့တဲ့သူတွေကိုတွေ့တဲ့အချိန်မှာ ကူညီချင်ပေမယ့်၊ အမှန်တကယ် ဒုက္ခတွေ့နေလို့ အကူအညီလိုနေသူ တစ်ယောက်ကို ကူညီချင်ပေမယ့်၊

ကိုယ့်မိသားစုဝင် တစ်ယောက်ယောက်၊ ဆွေမျိုး အသိုင်းအဝိုင်းထဲက လူတစ်ယောက်ယောက် အကူအညီလိုနေပေမယ့်

ကိုယ့်မှာ ပိုက်ဆံမရှိရင် ဘာအကူအညီမှပေးနိုင်မှာမဟုတ်သလို၊ ဘာမှလည်းမတတ်နိုင်ဘဲ စိတ်မကောင်းဖြစ်နေရမှာပါ။ ဒါကြောင့် တခြားလိုအပ်နေသူတွေကို ဝေမျှဖို့ ကိုယ့်မှာ ပိုက်ဆံရှိဖို့လိုပါတယ် …။

(၂) ကိုယ့်နေ့စဉ်အသုံးစရိတ် အတွက် ပူပင်စရာမလိုတဲ့ ဘ၀ ”

လူတစ်ယောက်က ကိုယ့်ရဲ့ အခြေခံလိုအပ်ချက်တွေကို ကိုယ်တိုင် မဖြေရှင်းနိုင်ဘူး၊ ကိုယ့်ကိုယ်ကို တာဝန်မယူနိုင်ဘူး ဆိုရင် သူ့ကိုယ်သူ ယုံကြည်မှုလည်း မရှိနိုင်သလို၊ သူ့ဘဝကိုလည်း ကျေနပ်မှုရှိမှာမဟုတ်ပါဘူး။

ဒီတော့ ကိုယ့်ရဲ့ အခြေခံလိုအပ်ချက်တွေကို ဖြည့်ဆည်းဖို့အတွက် နေ့စဉ်အသုံးစရိတ်ကို ရှင်းနိုင်တဲ့သူဖြစ်ဖို့လိုပါတယ်။ အဲ့ဒီနေ့စဉ်အသုံးစရိတ်တွေကိုရှင်းဖို့ ပိုက်ဆံလိုအပ် ပါ တယ် …။

(၃) အောက်ကျနောက်ကျခံစရာမလိုတဲ့အခြေအနေ ”

ကိုယ့်မှာ လိုအပ်လာရင် ကိုယ်တိုင်ဖြေရှင်းနိုင်ဖို့အတွက် ပိုက်ဆံရှိဖို့လိုပါတယ်။ ကိုယ့်လက်ထဲမှာ ပိုက်ဆံမရှိတဲ့အခါ သူများဆီမှာ အောက်ကျနောက်ကျခံပြီး ပြောဆို အကူအညီ တောင်းရပါတယ်။

နောက်ဆုံး ကိုယ့်မိသားစု အချင်းချင်းမှာတောင် ပိုက်ဆံအတွက် စကားပြောရတာ အရမ်းအောက်ကျပါတယ်။ ဒါကြောင့် ဒီလိုမလုပ်ချင်ရင် အခက်အခဲဖြစ်လာချိန်မှာဖြေရှင်းဖို့ လက်ထဲမှာ ပိုက်ဆံရှိဖို့လိုပါတယ် …။

(၄) ကိုယ့်ရဲ့ရည်မှန်းချက်၊ အိပ်မက်တွေ ”

ပြီးခဲ့တဲ့ရက်တွေက ဆိုရှယ်မီဒီယာပေါ်မှာ ရေပန်းစားသွားတဲ့ စကားလုံးလေး တစ်ခုကိုတွေ့လိုက်ပါတယ်။ အဲ့ဒါကတော့ Rich Kid မဟုတ်တော့ အိပ်မက်တွေက ဈေးကြီးတယ် ဆိုတဲ့စကားလေးပါ။

အဲ့ဒီစကားလေးက ရာနှုန်းပြည့်တော့ မမှန်ပေမယ့် တချို့တဝက်တော့ မှန်နေတယ်ဆိုတာ လက်မခံချင်လို့မရပါဘူး။ ကိုယ့်ရည်မှန်းချက်၊ အိပ်မက်တွေကို အကောင်အထည်ဖော်ရာမှာ ပိုက်ဆံရှိတဲ့အခါ ပိုလွယ်ကူတတ်ပါတယ်။

ဒါကြောင့် အိပ်မက်တွေ၊ ရည်မှန်းချက်တွေကို အကောင်အထည်ဖော်ဖို့အတွက်လည်း ပိုက်ဆံလိုပါတယ်။ နော် …။ ။

MAY THAZINHTOO

Credit \  original