ဖုန်းလွတ်ကျပြီး မှန်မကွဲသွားလို့ ဖုန်းပြင်ဆိုင်သွားလိုက်သောအခါ
ဖုန်းလွတ်ကျပြီး မှန်မကွဲသွားလို့ ဖုန်းပြင်ဆိုင်သွားလိုက်သောအခါ
တစ်နေ့ကပေါ့ ဖုန်းလွတ်ကျသွားလို့ မှန်မကွဲလေးက အပ်ရာထင်သွားတယ် ဒါနဲ့ပဲ …..ဖုန်းဆိုင်မှာ သွားပြီး အသစ်လဲမလို့အသွား ရိုးသားလှတဲ့ သာမာန်အလုပ်သမား တောသူတောင်သား သားအမိနှစ်ယောက်နဲ့ ဆုံမိတယ်။
ကျွန်တော်ဆိုင်ရှေ့ရောက်တော့ မိခင်အိုတစ်ဦးနဲ့ ကောင်လေးတစ်ယောက်ဟာ ပြောင်းဖူးတွေ အပြည့်တင်ထားတဲ့ စက်ဘီးတစ်စီးကို နှစ်ဖက်ထိန်း တွန်းလာပြီး ဆိုင်ရှေ့မှာလာရပ်တယ်။
ကျွန်တော်လဲ ရုံးကဖုန်းဝင်လာတာနဲ့ သူတို့နားမှာ ရပ်ပြီးဖုန်းပြောနေမိတော့ သူတို့ပြောသံကြားနေရတယ်။
ကောင်လေးက မျက်လုံးတွေ အရောင်တောက်ပလို့ မနေ့ကမှ သူတို့ပြောင်းဖူးပို့နေတဲ့ ဒိုင် အလုပ်ရှင်က ဆက်သွယ်လို့ရအောင်ပေးလိုက်တဲ့ ဖုန်းအဟောင်းလေးတစ်လုံးကို
အလုပ်လုပ်ရင်းသီချင်းနားထောင်ဖို့အတွက် ဖုန်းဆိုင်မှာ သီချင်းလေးတွေထည့်ပေးဖို့အပ်ခဲ့ပြီး ဒီနေ့မှ လာရွေးကြတာလို့ သိရတယ်။မနေ့က သူတို့ဆိုင်ကို ဘယ်လိုအပ်ခဲ့လည်းတော့မသိပါဘူး
သားအမိနှစ်ယောက်စကားတွေပြောရင်း သူတို့မှာပါလာတဲ့ တစ်ရာတန် နှစ်ရာတန် တန်ဖိုးအကြီးဆုံးဖြစ်တဲ့ ငါးရာတန်ငွေအချို့ကို ရေတွက်နေကြရင်း ဆိုင်ထဲကို ဝင်ဖို့ရွံ့နေကြတယ်
ပြီးတော့ သားအမိနှစ်ယောက်တီးတိုးပြောကြရင်း ဆိုင်ထဲကို ဝင်သွားခဲ့တယ် ကျွန်တော်က သူတို့နောက်က ဝင်သွားပြီး ဖုန်းဆိုင်ထဲက ပစ္စည်းအချို့က်ိုကြည့်ရင်း သားအမိနှစ်ယောက်
ဘာတွေခက်ခဲနေကြလဲလို့ အမှတ်မထင် နားထောင်မိသွားတယ် ကောင်လေးက ဆိုင်ရှင်ကို “ အစ်ကို မနေ့ကသီချင်းသွင်းထားတာ ရပြီလားလို့ ´´ မေးလိုက်တော့ ဆိုင်ရှင်ကကောင်လေးကိုကြည့်ပြီး
“ အေးကွ ရပြီ သေချာသွင်းပေးထားတယ်ငါ့ညီရလို့ ´´ ပြောပြီး ကောင်လေးဖုန်းကိုထုတ်ပေးတယ် ပြီးတော့ သီချင်းရှိတဲ့နေရာကို ပြရင်း ဖွင့်ပြတယ်။
အဲဒီအထိ အဆင်ပြေနေကြတုန်း ကောင်လေးက ကျေနပ်သွားပြီး “ အစ်ကို ဘယ်လောက်ကျပါသလဲလို့ ´´ မေးတယ် ဆိုင်ရှင်က ကျွန်တော့ဘက်လှမ်းအကဲခက်ပြီး “ ၄၀၀၀ ပါညီလေး သီချင်းကောင်းတွေဆိုတော့တဲ့ ´´
အဲဒီမှာ ပြဿနာကစတော့တာပဲ ဒီသားအမိမှာ ငွေ ၄၀၀၀ မပါလောက်ဘူး စအပ်ကတည်းက ၄၀၀၀ လောက်ပေးရမယ်လို့လည်း သားအမိနှစ်ယောက် မတွေးထားမိဘူး တကယ်လဲ မတန် ပါဘူး
သီချင်းလေးနည်းနည်း ဖုန်းထဲကိုထည့်ပေးတာ ဖုန်းဆိုင်အနေနဲ့ ဘာမှမကုန်ကျ မရင်းရသလို ဘာမှမခက်ပါဘူး
သူတို့မတွေးထားတဲ့ ငွေဆိုတော့ သားအမိနှစ်ယောက် မျက်နှာပျက်ပြီး ရှိသမျှအိတ်တွေကို နှိုက်ရှာကြတယ် ခဏနေတော့ ကောင်လေးက ဆိုင်ရှင်ကိုမရဲတရဲဖြင့်
“ အစ်ကို ကျွန်တော်တို့မှာက ၁၈၀၀ ပဲပါတယ် သီချင်းတွေကို ၁၈၀၀ ဖိုးပဲထည့်ပေးလို့ မရဘူးလားတဲ့ ´´ တောသူတောင်သားတွေရဲ့ ရိုးသားစွာနဲ့ သူတို့ရဲ့အခက်အခဲကို အမှန်အတိုင်းပြောတာကို ဆိုင်ရှင်က…….
“ မင်းကလည်း နဂိုကရှင်းဖို့ငွေမရှိရင် ဘာလို့ လာပြီး လုပ်နေသေးလဲ အာရုံကိုနောက်တယ်တဲ့ ´´ အဲဒီချိန်မှာ သားအမိအတွက်ကယ်တင်ရှင်ဟု ထင်ရတဲ့ ပိုင်ရှင်ရဲ့မိန်းမက အနောက်ကထွက်လာတယ်
ကျွန်တော့်အထင် …… “ ယောက်ျားရယ်လျော့ပေးလိုက်ပါလို့ ´´ ပြောမယ်ထင်ခဲ့တာ .. သူပြောမှပိုအံ့သြသွားတယ် ပြောပုံက… ….
“ အလုပ်ကိုရှုပ်တဲ့ဟာတွေ ယောက်ျား ပြန်ဖျက်လိုက် ပိုက်ဆံလည်းမယူနဲ့တဲ့ ´´ ဆိုင်ရှင်ကလည်း ချက်ချင်းပြန်ဖျက်ပြီး
“ သွား.. go ပိုက်ဆံပြည့်မှလာသွင်း ´´ ဆိုပြီး သားအမိနှစ်ယောက်ကို မောင်းထုတ်လိုက်တယ်။
သားအမိနှစ်ယောက်လည်း ခပ်ကုပ်ကုပ်နဲ့ သူတို့ဖုန်းဟောင်းလေးယူပြီးပြန်ထွက်သွားတယ်။
ပြီးမှ ကျွန်တော့်ဘက်လှည့်ပြီး “ အစ်ကို ဘာလိုလဲတဲ့ ´´ ကျွန်တော်လည်း ချင်သွားတာနဲ့ မှန်မကွဲလဲဖို့မပြောမိဘဲ “ ကျွန်တော်လည်း သီချင်းလာသွင်းတာ ငွေမလောက်လို့ မသွင်းတော့ပါဘူး
ငွေစုလိုက်ဦးမယ် ရပါပြီလို့ ´´ ပြောပြီး ဆိုင်က ပြန်ထွက်လာခဲ့တယ်။
ဆိုင်အဝကနေ တစ်ချက်လှမ်းကြည့်တော့ ဆိုင်ရှင်လင်မယားက မျက်နှာကြီးနီရဲပြီး ကျွန်တော့်ကို ဘုကြည့်ကြည့်နေတယ်။
သူတို့ ထပြီးပြဿနာမရှာခင် ကျွန်တော်လည်း အမြန်လစ်ထွက်လာခဲ့တယ်။
ကျွန်တော်ကပဲ ဆန္ဒရှိလို့လား ခုနက သားအမိကပဲ ကံကောင်းလို့လားမသိဘူး ကျွန်တော်ဆိုင်ကထွက်လာတော့ သားအမိက ပြောင်းဖူးစက်ဘီးကြီးတွန်းသွားတာ သိပ်မဝေးဘူး
ကျွန်တော် သားအမိနှစ်ယောက်နောက်လိုက်သွားပြီး “ ညီလေး ခဏလေး ´´ ဆိုတော့ သားအမိနှစ်ယောက်က ငြိုးငယ်တဲ့မျက်နှာနဲ့ လှမ်းကြည့်တယ်
ပြီးတော့ …… “ ပြောင်းဖူးယူမလို့လားတဲ့ ဒိုင်ကိုပို့ဖို့ အစိမ်းတွေပါတဲ့ ´´
ကျွန်တော်က.. …. “ မဟုတ်ပါဘူး သီချင်းသွင်းပေးမလို့ပါလို့ ´´ ပြောတော့ သားအမိနှစ်ယောက်လုံးမျက်နှာဝင်းသွားတယ် ပြီးတော့ မိခင်ဖြစ်သူက ကျွန်တော့်ကို အားနာသလိုနဲ့ “
သားရယ်….. အမေတို့မှာက ပိုက်ဆံ ၁၈၀၀ ပဲပါတာ ပြောင်းဖူးသွားပို့ပြီးမှ ၆၀၀၀ လောက်ရမှာလို့ ´´ နေကလည်းပူ စက်ဘီးတွန်းရင်းမောပန်းစွာပြောတယ်။
ကျွန်တော်က …. “ ရပါတယ် ကျွန်တော်အဆင်ပြေသလို လုပ်ပေးပါမယ်ဆိုပြီး ကောင်လေးဖုန်းကိုတောင်းပြီး Zypya နဲ့ချိတ် သီချင်းရှိသမျှ ကူးပေးလိုက်တယ် ´´ ကူးပေးပြီး သီချင်းဖွင့်ပေးလိုက်တော့
ကောင်လေးက ….. “ ဟာ မြန်လိုက်တာ ဟိုဆိုင်လိုရက်တောင်မကြာဘူး ရော့ အစ်ကို ´´ ဆိုပြီး ကျစ်နေအောင်ကိုင်ထားတဲ့ ငွေအကြွေလေးတွေကို ထုတ်ပေးတယ်..
ကျွန်တော်သဘောကျသွားတယ် သူပေးတဲ့လက်ကို ပြန်တွန်းပြီး “ သီချင်းသွင်းပေးတာ မခက်ပါဘူး ငွေလည်းမကုန်ပါဘူး အလကား သွင်းပေးတာပါလို့ ´´ လည်း ပြောလိုက်ရော
သားအမိနှစ်ယောက် မျက်ရည်ဝဲမတက် ဝမ်းသာ ကျေးဇူးတင်ပြီး အိပ်အဟောင်းတစ်လုံးနဲ့ သူတို့မှာပါလာတဲ့ ပြောင်းဖူးငါးဖူးကိုထည့်ပြီး ကျွန်တော့်ကို ကျေးဇူးတင်ကြောင်းပြောပြီးပေးရှာတယ်။
ကျွန်တော်က သူတို့စေတနာကို အသိအမှတ်ပြုတဲ့အနေနဲ့ “ ငါးဖူးတော့မယူပါဘူး တကယ်စားစေချင်ရင် နှစ်ဖူးဆို လုံလောက်ပါပြီလို့ ´´ ပြောရင်း သူတို့ကျေနပ်အောင် ပြောင်းဖူးနှစ်ဖူးကို
လက်ခံယူပေးလိုက်တယ် ပြီးတော့ သူတို့ ဒိုင်ကဖုန်းဟောင်းလေးပေးတဲ့အကြောင်း သားဖြစ်သူက သီချင်းသွင်းချင်လို့ ဆိုင်အပ်တဲ့အကြောင်း ကျေးဇူးတင်ကြောင်း အပြန်အလှန်ပြောရင်း
ကိုယ့်ခရီးကိုယ်သွားကာ လမ်းခွဲခဲ့ကြတယ်။ သေချာတာတစ်ခုကတော့ သူတို့သားအမိ သီချင်းသံလေးတွေနဲ့ အမောပြေစွာ ပြောင်းဖူးစက်ဘီးကိုတွန်းနေကြမှာဖြစ်သလို
သူတို့ပေးတဲ့ပြောင်းဖူးဟာလည်း အိမ်ရောက်လို့ ပြန်ပြုတ်စားရင် အရမ်းချိုမြနေမှာ မလွဲဘူးဆိုတာပါပဲ။
သူတပါးရဲ့ချွေးနဲစာကို မတရားရယူလိုသူများနှင့် ကင်းဝေးကြပါစေကြောင်း ဆန္ဒပြုရင်းဖြင့်
Ko Ye(YSH)
