သိန်းရှစ်ဆယ်ကို သက်ကြီးသရုပ်ဆောင်တွေအတွက်လှူဒါန်းဖြစ်ပုံကိုပြောပြတဲ့ နေတိုး

သက်ကြီးသရုပ်ဆောင်တွေအတွက် သိန်းရှစ်ဆယ်အလှူအကြောင်းပြောပြတဲ့ နေတိုးသရုပ်ဆောင်တွေဟာ ကျရာဇာတ်ရုပ်တွေမှာ ပီပြင်အောင်သရုပ်ဆောင်ရင်း ပရိသတ်တွေကို မမောနိုင်မပန်းနိုင်ဖျော်ဖြေခဲ့ကြပေမယ့်တကယ်တမ်း အသက်ကြီးလာတဲ့အခါမှာ အနုပညာအလုပ်တွေလည်းမလုပ်ရတော့ပဲ ကျန်းမာရေးကလည်းမကောင်း၊အခြား လုပ်တတ်တာလည်း မရှိတဲ့အချိန်မှာ ဒုက္ခရောက်ကြရရှာပါတယ်။ အဲဒီလိုသက်ကြီးအနုပညာသည်တွေအတွက် မကြာသေးမီကပဲပြဿနာ ဇာတ်ကားကြီးရဲ့ အဖွဲ့ဝင်တွေ ပူးပေါင်းပြီး သိန်းရှစ်ဆယ်အလှူပြုခဲ့ကြောင်းသိရပါတယ်။ အဲဒီအလှူနဲ့ပတ်သက်ပြီး နေတိုးအပါအဝင်သရုပ်ဆောင်ကြီးများက MC နဲ့ အင်တာဗျူးမှာဖြေကြားသွားခဲ့ပါတယ်။ပြဿနာရုပ်ရှင်ဇာတ်ကားမှာပါဝင်တဲ့ မိသားစုတွေ နေတိုး၊ ဇာဂနာနဲ့အခြားသောသရုပ်ဆောင်တွေစုပေါင်းပြီး သိန်း (၈၀)အလှူပြုခဲ့တဲ့အကြောင်းကို နေတိုးကတော်တော်လေး ဝမ်းသာပါတယ်။ ပီတိလည်းဖြစ်မိပါတယ်။ နောက်နောင်မှာလည်း ကျွန်တော်တို့ဒီလိုမျိုးလှူဒါန်းမှုတွေပြုလုပ်နိုင်အောင်ကျွန်တော်တို့ ကြိုးစားသွားပါ့မယ်လို့ စိတ်ထဲမှာဖြစ်မိပါတယ်ကျေးဇူးတင်ပါတယ်”လို့ ပြောကြားထားသလို လှူဒါန်းရတဲ့ရည်ရွယ်ချက်ကို ဇာဂနာက “ဒီကရတဲ့ပိုက်ဆံထဲကနေပြီးလှူလိုက်တာပေါ့။နောက် ဒီလိုမျိုးအစဉ်အလာလေးလည်း အမြဲဖြစ်စေချင်တဲ့စိတ်နဲ့ လှူလိုက်တာပါ”လို့ပြောပြထားပါတယ်။ဒါ့အပြင် ဇာတ်ကားထဲမှာပါတဲ့ သရုပ်ဆောင်ယဉ်လတ်ကလည်း “အရမ်းပဲကြည်နူးဝမ်းသာရပါတယ်။ ဒီကားမှာပါဝင်ခွင့်ရတဲ့အတွက်သာ ဒီလှူဒါန်းမှုမှာ ပါဝင်ခွင့်ရတဲ့အတွက်ကြည်နူးဝမ်းသာပါတယ်”လို့ ဖြေကြားထားပြီး ဒါရိုက်တာကြည်စိုးထွန်းကတော့ လှူဒါန်းပွဲမှာ ရင်ထဲကစကားတွေကို “ကိုယ့်ထက်လေးစားရမယ့်ဝါကြီးတဲ့လူတွေကို အသက်ကြီးတဲ့အနုပညာရှင်ကြီးတွေကို ရိုသေရမှန်းလေးစားရမှန်းသိတဲ့ BoBo Entertainment ကိုလည်းကျေးဇူးတင်ပါတယ်။သက်ကြီးများအတွက်လည်း ဝမ်းသာပါတယ်”လို့ ပြောကြားထားပါတယ်။ဝါရင့်သက်ကြီးအနုပညာရှင်ကြီးအနုပညာဝင်းနိုင်ကလည်း ရင်ထဲကလာတဲ့ ငိုသံပါနဲ့ “ဟုတ်ကဲ့ ဝမ်းသာပါတယ်။

 ဒါဆေးတစ်မျိုးပါပဲ။အားရှိစေတဲ့ဆေးပေါ့။ ကျွန်တော့်ကိုလာပြီးတော့ အင်တာဗျူးလုပ်တိုင်းမေးတယ်။ မင်းသားမင်းသမီးတွေကမလှူကြဘူးလားတဲ့။တကယ်တမ်းကျတော့သူတို့လည်း သူတို့အလုပ်သူတို့လုပ်စားကြတာလေ။ အခုဆိုရင် အလုပ်ရှင်တွေရော ကျွန်တော်တို့နဲ့လုပ်ဖော်ကိုင်ဖက်သရုပ်ဆောင်တွေရော ပါဝင်နေတဲ့အလှူကြီးပေါ့။အင်မတန်ကောင်းပါတယ်။အားလုံးမျှော်နေတဲ့အလှူပါ။ အထူးသဖြင့်ကျွန်တော်တို့ပိုမျှော်တာပေါ့ဗျာ”လို့ ဖြေကြားထားတာကို ဂရုဏာသက်စရာတွေ့မြင်ရပါတယ်။လူကြီးခန်းတွေမှာသရုပ်ဆောင်နေကျဖြစ်တဲ့ ဦးဝင်းမြိုင်ကလည်း”အင်မတန်ဝမ်းသာပါတယ်။ ဒီလိုပဲ တခြားအောင်မြင်တဲ့ဇာတ်ကားတွေရှိလို့ရှိရင်လည်း ဒီလိုလေးတွေလှူကြတာကအင်မတန်ကောင်းပါတယ်လို့ ဘာလို့ဆိုတော့ ရုပ်ရှင်လောကထဲမှာအဆင်မပြေတဲ့နေရာလေးတွေကို ပံ့ပိုးပေးတယ်ဆိုတာက မင်္ဂလာပါပဲ”လို့ ပြောကြားထားပါတယ်။ဒီ သိန်းရှစ်ဆယ်လှူဒါန်းပွဲကြီးကိုသက်ကြီးအနုပညာရှင်တော်တော်များများတက်ရောက်ခဲ့ပြီး ဝမ်းမြောက်ဝမ်းသာနဲ့အလှူငွေတွေလက်ခံကာ သာဓုခေါ်ဆိုခဲ့ကြပါတယ်။ပြောချင်လွန်းလို့ပရိသတ်ကြီးရော ပြဿနာဇာတ်ကားကြီးကိုအားပေးကြလား။ ရုပ်ရှင်လောကသားတွေရဲ့ မွန်မြတ်တဲ့အလှူကိုလည်းသာဓုခေါ်လိုက်ကြပါဦးနော်။
Can’t Wait To Say
Credit Nanmalgyi