“ကားတွေကို အမြဲလုယက် နေတဲ့ ရွာသားတွေရဲ့ စိတ်ဓာတ်ကို ပြောင်းလဲပေးနိုင်ခဲ့တဲ့ ကားဆရာတစ်ဦးရဲ့ စေတနာ။”
အိန္ဒိယနိုင်ငံ မြောက်ဘက်ဒေသမှာ “ကယ်ရီမား”လို့ခေါ်တဲ့ ရွာတစ်ရွာရှိတယ်။
အဲဒီရွာက မြေဟာ ကျတ်တီးမြေ ဖြစ်တာ ကြောင့် ဘာမှစိုက်ပျိုး မဖြစ်ထွန်းခဲ့ဘူး။
ရွာသားတွေဟာ ဆင်းရဲလွန်းလို့ နပ်မှန်အောင် မနည်းကြိုးစားရတယ်။
ရွာနဲ့ မနီးမဝေး တစ်နေရာမှာ လမ်းမကြီး တစ်ခုရှိပြီး အဲဒီလမ်းမကြီးမှာ ကားတွေဟာ မကြာခဏဆိုသလို ပျက်နေခဲ့တယ်။
တစ်ခါက စည်သွပ်ဗူးတွေ တင်ထားတဲ့ ကားတစ်စီးဟာ အဲဒီလမ်းမတစ်နေရာမှာ တိမ်းမှောက်ပြီး ချောင်းထဲကျသွားခဲ့တယ်။
ကားဆရာ ဒဏ်ရာရလို့ ကားတစ်စင်းနဲ့ ဆေးရုံကို ပို့နေတုန်းမှာ ကားပေါ်က ကုန်တွေကို ကြည့်မယ့်လူ မရှိခဲ့ဘူး။
ဒါကို ရွာသားတွေတွေ့တော့ စည်သွပ် ဗူးတွေကို အိမ်ခိုးသယ်ကြတယ်။
အဲဒီလိုနဲ့ အိမ်တိုင်း အိမ်တိုင်း ရက်တော် တော်ကြာ စားစရာတွေ ရှိခဲ့ကြတယ်။
အဲဒီကိစ္စ ဖြစ်ပျက်ပြီးနောက် ရွာသားတွေ အကြံတစ်ခုရသွားတယ်။
“တောင်နဲ့နီးရင် တောင်ကိုမှီစား ရေနဲ့နီးရင် ရေကိုမှီစား” ဆိုသလို ကားလမ်းနဲ့ နီးတော့ ကားလမ်းကို မှီစားကြတော့တယ်။
ဒါပေမဲ့ ကားတွေက အမြဲတိမ်းမှောက်နေတာ မဟုတ်တော့ ရွာသားတွေ အကြံတစ်ခုထုတ် ကြတယ်။
ညအချိန် လမ်းပေါ်မှာ လူနည်းတဲ့အခါ ရွာသားတွေဟာ ပေါက်တူး ပေါက်ပြားတွေ ယူပြီး လမ်းကိုဖျက်ကြတယ်။
ဒါမှ ချိုင့်တွေ တွင်းတွေ ပြည့်နေတဲ့လမ်းပေါ်မှာ ကားတွေဟာ မတော်တဆ ဖြစ်နှုန်းများမှာ ဖြစ်တယ်။
ကားတွေက အဲဒီလမ်းပေါ်မှာ မတော်တဆ မဖြစ်လည်း လမ်းမကောင်းတာကြောင့် ကားကို အရှိန်လျော့ပြီး
မောင်းနှင်ကြရတယ်။
အဲဒီအခါ ရွာသားတွေဟာ ကားဆရာ မသိအောင် ကားနောက်ကနေ ပစ္စည်းတွေ နှိုက်ကြတယ်။
အဲဒီလိုနဲ့ စစချင်းမှာ စားစရာတွေကို ခိုးတယ်။ နောက်ပိုင်းမှာ တဖြည်းဖြည်း ကုန်ပစ္စည်းတွေကိုပါ ခိုးပြီး မြို့ပေါ်
တက်ရောင်းကြတယ်။
အဲဒီနောက်ပိုင်းတော့ ခိုးရုံနှိုက်ရုံမက သူတို့ လုယက်လာကြတော့တယ်။
တခဏအတွင်းမှာပဲ အဲဒီလမ်းဟာ မလုံခြုံဆုံးလမ်း ဖြစ်လာခဲ့တော့တယ်။လစဉ်လတိုင်း လုယက်မှုတွေနဲ့ ပြည့်နေခဲ့တယ်။
ဒါကို ရဲတွေလိုက်ပြီး လုယက်နေတဲ့ ရွာသားနှစ်ယောက်ကို ဖမ်းဆီးခဲ့တယ်။
လုယက်သူ နှစ်ယောက်ကို ပြစ်ဒဏ် ချမှတ်ခဲ့ပေမယ့် ရွာသားတွေ မဖြုံခဲ့ကြဘူ။
လုယက်မြဲ လုယက်နေပြီး ရဲတွေကို ပိုပုန်းရှောင် ပိုသတိရှိခဲ့ကြတယ်။
ရွာသားတွေဟာ လုယက်ဖို့ အဖွဲ့တွေ ဖွဲ့လာကြပြီး စောင့်ကြည့် သတင်းပို့သူတွေပါ ထားရှိလာကြတယ်။
လုလို့ရတဲ့ ပစ္စည်းတွေကို အိမ်ပြန် ဖွက်ထား ကြသလို ရဲတွေ လာစစ်တဲ့အခါ သက်သေခံ ပစ္စည်းတွေ ရှာမတွေ့အောင် ပစ္စည်းရဲ့
အထုပ် အပိုးကိုပါ ပြောင်းလဲခဲ့ကြတယ်။
အုပ်ချုပ်သူတွေကလည်း ကယ်ရီမားရွာက ရွာသားတွေကို ပစ္စည်းမလုယက်ကြဖို့ ရာဇဝတ်မှုတွေ မကျူးလွန်ကြဖို့
လမ်းကောင်းလမ်းမှန်ပေါ် ရောက်အောင် နည်းအမျိုးမျိုး ကြိုးစားခဲ့ကြတယ်။
ဒါပေမဲ့ ကယ်ရီမား ရွာသားတွေဟာ လုယက်လို့ ရလာတဲ့ ပစ္စည်းတွေအပေါ် သာယာ ပျော်မွေ့နေခဲ့ကြတယ်။
ဒီလို ဘာမှ ပင်ပင်ပန်းပန်း လုပ်စရာမလိုတဲ့ ဘဝမှာ သူတို့ကျင့်သားရနေခဲ့ကြတယ်။
ဒါကြောင့် သေနတ်ပြ ပစ္စည်းလုတဲ့:လုပ်ရပ်ဟာ ကယ်ရီမားရွာ အနီးတဝိုက်မှာ ဖြစ်မြဲဖြစ်နေခဲ့ တော့တယ်။
အဲဒီနှစ်ရဲ့ ဆောင်းရာသီမှာ အလုအယက် များတဲ့ ကယ်ရီမားရွာကလမ်းကို ကားသမားတွေ ရှောင်လာကြတယ်။
ဒါကြောင့် ရက်တော်တော်ကြာကြာ ရွာသားတွေ ရိက္ခာပြတ်ခဲ့ကြတယ်။
တစ်နေ့မှာ ကုန်ကားတစ်စီး ကယ်ရီမားရွာကို ဖြတ်တယ်။ ကားပေါ်မှာ ဖော့စဖိတ်မှုန့်တွေ အိတ်နဲ့ အပြည့်တင်ထားတယ်။
ဒီဖော့စဖိတ်တွေက လုပ်ငန်းတွေမှာ သုံးဖို့ဖြစ်တယ်။
ရွာသားတွေဟာ ကားကိုတွေ့တာနဲ့ ဝိုင်းဖွဲ့ပြီး လုယက်ကြတော့တယ်။
ကားသမားက ရွာသားတွေ လုယက်တာကို တွေ့တော့ ကားရပ်ပြီး ကယ်ရီမားရွာထဲအထိ လိုက်သွားတယ်။
ကားရပ်တော့ ရွာသားတွေလုဖို့ ပိုအခွင့်အရေး ရသွားတယ်။ လူတွေက မကြောက်မလန့် ကားတစ်စင်းလုံး
ပြောင်သလင်းခါအောင် ပစ္စည်းတွေကို သယ်ယူခဲ့ကြတယ်။
ကားဆရာဟာ ရွာထဲဝင်ပြီး ရွာသားတွေကို ပစ္စည်းပြန်ပေးဖို့ တောင်းဆိုတယ်။ ဒါပေမဲ့ ရွာသားတွေက သူတို့မယူပါဘူးလို့ ငြင်းဆို ကြတယ်။
ကားဆရာ ဘယ်လိုတောင်းပန် တောင်းပန် ပစ္စည်းတွေကို သူတို့ပြန်မပေးခဲ့ကြဘူး။
နောက်ဆုံး ကားဆရာက …
ဒီအမှုန့်တွေဟာ စားလို့ရတဲ့ ရိုးရိုးသာမန်အမှုန့်တွေ မဟုတ်ကြောင်း
လုပ်ငန်းထဲသုံးတဲ့ ဖော့စဖိတ်မှုန့်တွေဖြစ်ကြောင်း အဆိပ်ရှိကြောင်းစားမိရင် သေတတ်ကြောင်း ပြောပြတယ်။
ကားဆရာရဲ့စကားအမှန်ကို ရွာသားတွေ မယုံခဲ့ကြဘူး။
ဒီအမှုန့်တွေဟာ လက်နဲ့ကိုင်ကြည့်တာပဲဖြစ်ဖြစ် အရောင်မှာပဲဖြစ်ဖြစ် စားလို့ရတဲ့အမှုန့်နဲ့ ခွဲလို့မရခဲ့လို့ ဖြစ်တယ်။
ရွာသားတွေ သူ့စကားကို မယုံတော့ ကားဆရာ ဘာဆက်လုပ်ရမှန်းမသိလန့်သွားခဲ့တယ်။
ရဲကို သူအကြောင်းကြားချင်ပေမယ့် သူရွာက ခွာတာနဲ့ ရွာသားတွေ အဲဒီအမှုန့်ကို စားစရာ မှတ်ပြီး စားလိုက်မှာလည်း
စိုးရိမ်နေခဲ့တယ်။
တစ်အိမ်ချင်း သူလိုက်ရှင်းပြခဲ့တယ်။
ရွာသားတွေရှေ့ ဒူးထောက်ပြီး “အဲဒီအမှုန့်ကို မစားပါနဲ့ သေတတ်တယ်”လို့ သူရှင်းပြခဲ့တယ်။
ကားဆရာ အကြိမ်ကြိမ်တောင်းပန်တော့ ရွာသားတချို့က သူ့စကားကို ယုံလာခဲ့ကြတယ်။
လူတချို့က ကြက်ကို အဲဒီအမှုန့် စမ်းကျွေးကြည့်ကြတယ်။
တကယ်ပဲ စားပြီး သိပ်မကြာဘူး။ ကြက် တကယ်သေသွားတာကို တွေ့ရတယ်။
အဲဒီတခဏ ရွာသားတွေ ထိတ်လန့်သွား ကြတယ်။ ပြီးတော့ စိတ်ထဲမှာ နက်နက်ရှိုင်းရှိုင်း ခံစားမိလိုက်ကြတယ်။
ကားဆရာရဲ့ ပစ္စည်းကိုလုယက်လို့ ကားဆရာက သူတို့ကို မုန်းသင့်တယ်။
ဒီအမှုန့်တွေကို စားပြီး သူတို့သေသင့်တယ်။ ဒါဟာ သူတို့ရထိုက်တဲ့ ပြစ်ဒဏ်ဖြစ်တယ်လို့ သူတို့ထင်ခဲ့တယ်။
ဒါပေမဲ့ ကားဆရာက သူတို့ကို မမုန်းတဲ့အပြင် အမှုန့်ကို မစားဖို့ သူတို့အသက်ကို ကယ်တင်ဖို့ ဒူးထောက်တောင်းပန်ခဲ့တယ်။
ဒီလိုမေတ္တာစိတ် ဒီလိုကြင်နာစိတ်ဒီလို ဂရုစိုက်ခြင်းမျိုးက ရွာသားတွေကို ရှက်ရွံ့စေခဲ့တယ်။ နက်နက်ရှိုင်းရှိုင်း ခံစားစေခဲ့တယ်။
ရွာသားတွေက ဖော့စဖိတ်မှုန့်အားလုံးကို ကားပေါ် ပြန်တင်ပေးလိုက်ကြတယ်။
အဲဒီအဖြစ်အပျက်နောက် ကယ်ရီမားရွာသား တွေဟာ ပစ္စည်းထွက် မလုခဲ့ကြတော့ဘူး။
လုဖို့ကြံနေသူတွေကိုလည်း လူတချို့က “ဟိုစိတ်ကောင်းရှိတဲ့ ကားဆရာကို သတိရ ကြစမ်းပါ။
သူကို ငါတို့ထိခိုက်အောင် လုပ်ခဲ့လည်း သူက ငါတို့တစ်ရွာလုံးရဲ့အသက်ကို ကယ်ခဲ့တယ်။
သူ့ကိုသတိရပြီး တခြားလူကို ထိခိုက်နစ်နာဖို့ ငါတို့ဆက်လုပ်ရက်ကြသေးလား။
ငါတို့ဟာ တကယ်ပဲ မကောင်းဆိုးဝါးတွေလား” လို့ ဆိုခဲ့တယ်။
ကယ်ရီမား အနီးနားကလမ်းမကြီး လုံခြုံသွားပါပြီ။
ရဲတွေရဲ့ ထိန်းချုပ်မှု သက်ဆိုင်ရာ လူကြီးတွေရဲ့ ပြုပြင်ထိန်းသိမ်းမှုကြောင့်လုံခြုံသွားတာ မဟုတ်ဘဲ …
ကားဆရာတစ်ယောက်ရဲ့ အကြင်နာကြောင့် ပြောင်းလဲသွားတာဖြစ်ပါတယ်။
လူရဲ့အကျင့်က ပြောင်းလဲလို့ရတယ်။”သင်ဘယ်လို ပြောင်းလဲမလဲ “ဆိုတဲ့ အပေါ်မှာပဲ မူတည်ပါတယ်။
လူရဲ့ ကြင်နာမှုက နှိုးဆွလို့ရတယ်။ ‘သင်ဘယ်လိုနှိုးဆွမလဲ” ဆိုတဲ့အပေါ်မှာပဲ မူတည်ပါတယ်။
လူတိုင်းရဲ့ရင်ထဲမှာ ကြင်နာတဲ့ ကြိုးတစ်ချောင်းရှိတယ်။
အဲဒီကြိုးကို ချစ်ခြင်းမေတ္တာနဲ့ တီးခတ်မှ သံစဉ်မြည်နိုင်တယ်။
လူတွေရဲ့ကြင်နာမှုကို ရချင်ရင် ပထမဦးဆုံး သင့်ရဲ့ကြင်နာမှုကို ထုတ်သုံးရတယ်။
ဘယ်လောက် ဆိုးဝါးတဲ့ လူပဲဖြစ်ဖြစ် သင့်ရဲ့အကြင်နာနဲ့ သူရဲ့အကြင်နာကို နှိုးဆွ နိုင်ပြီး ဆိုးဝါးမှုတွေကို ပထုတ်ပေးနိုင်ပါတယ်။
Credit:နိုင်းနိုင်းစနေ
