ရောဂါရှိသူက စကားပြောရင် (၃)ေ ပ၊ နှာစေးချောင်းဆိုးရင် (၆)ပေအထိ ရောက်နိုင်တဲ့ H1N1 ရောဂါပိုးအကြောင်း
Q, ဘတ်စ်ကားစီးရသူတွေ၊ အထူးသဖြင့် ကားကျပ်ကျပ်စီးရချိန်မှာ H1N1 တုပ်ကွေးပိုး ကူးစက်မှာကို စိုးရိမ်နေကြပါတယ်။ ဘယ်လို ဆောင်သင့်၊ ရှောင်သင့်တယ်ဆိုတာလေး ပြောပေးပါဦး ဆရာ။
A. အရေးကြီးတာက H1N1 ပိုးရှိသူပါပဲ။ ပိုးရှိမှန်း သူ့ကိုယ်သူ မသိရင် တောင် အနည်းဆုံးတော့ ဖျားနေပါလိမ့်မယ်။ ဒီတော့ ဖျားတဲ့သူတွေက လူများတဲ့ နေရာတွေ မသွားသင့်ပါဘူး၊ ဘတ်စ်ကားစီးတာတွေ မလုပ်သင့်ပါဘူး။ အိမ်မှာပဲ အေးအေးဆေးဆေး အနားယူပြီးတော့ ဆေးကုသမှု ခံယူသင့်ပါတယ်။ ဒီလို မလိုက်နာဘဲ ဘတ်စ်ကားစီးရင် စကားပြောရင် သုံးပေ၊ နှာစေးချောင်းဆိုးရင် ခြောက်ပေအထိ ဒီပိုး တွေက ရောက်နိုင်တော့ နီးစပ်တဲ့သူတွေ ကူးစက်နိုင် ပါတယ်။သာမန်ကျန်းမာတဲ့ သူတွေကို မှာချင်တာက ဘေးနားက လူ နှာချေတယ်၊ ချောင်းဆိုးတယ်ဆိုရင် ကိုယ့်နှာခေါင်းကို ပိတ်ထားဖို့ပါပဲ။ အခု H1N1ပိုး ကူးမှာကြောက်တဲ့ သူတွေက နှာခေါင်းစည်းတပ်ကြတယ်။ နှာခေါင်းစည်းမှာ ဆရာဝန်သုံးနှာခေါင်းစည်း(Surgical Mask)က ဘက်တီးရီးယားပိုးကိုပဲ အကာအကွယ်ရနိုင်တယ်။ အခုဗိုင်းရပ်စ်ပိုးမွှား တွေ ကျတော့N95 Mask နှာခေါင်းစည်းနဲ့မှပဲ အကာအကွယ်ရနိုင်ပါတယ်။
H1N1 တုပ်ကွေးကာကွယ်ရေးမှာ တတ်နိုင်သမျှ လူစုလူဝေးရှိတဲ့ နေရာကို ရှောင်ပါလို့ ပြောထားတာပါ။ မရှောင်နိုင်ရင်တော့ ဖျားနေတဲ့သူနဲ့ နီးနီးမှာ မနေပါနဲ့။ လက်ထဲမှာ တစ်သျှူးလို အအုပ်အကာလေးတွေ ဆောင်ထားပါ။ ဖြစ်နိုင်ရင် နှာခေါင်းကော ပါးစပ်ပါ အုပ်နိုင်တဲ့ နှာခေါင်းစည်း တပ်ပါ။ လက်ဆေးဆပ်ပြာဂျဲလ်လေးတွေ ဆောင်ထားပြီး လက်ကို မကြာခဏ ဆေးပါ။ ကိုယ်ခံအားကောင်းအောင် အိပ်ရေး၀၀ အိပ်စက်ပါ၊ အာဟာရ ပြည့်ပြည့်၀၀ စားသောက်ပါ။ ဖျားနေရင်၊ နာမကျန်းဖြစ်နေရင် အိမ်မှာပဲ နားနေပြီး ဆေးကုသမှု ခံယူပါ၊ လုပ်ငန်းခွင်ထဲ မသွားသင့်ပါဘူး။H1N1 တုပ်ကွေးက ရိုးရိုး အအေးမိတာ၊ တုပ်ကွေးစတာတွေနဲ့ လက္ခဏာတူတဲ့ အတွက် H1N1 ပြန့်နှံ့မှုကို #တားဆီးချင်တယ်ဆိုရင် ကိုယ်လက် ကိုက်ခဲဖျားနာနေတဲ့ ဘယ်သူမဆို အိမ်ထဲမှာ အနားယူသင့်ပါ တယ်။ လူထူထပ်တဲ့နေရာတို့၊ လုပ်ငန်းခွင်တို့မသွားသင့်ပါဘူး၊ သူ့ဆီက ပိုး လေထဲ မပြန့်နှံ့စေဖို့ ရောဂါရှိသူက N 95 နှာခေါင်းစည်းကို တပ်သင့်ပါတယ်။ ဒီအကြောင်းကို မီဒီယာတွေက ကျယ်ကျယ်ပြန့်ပြန့် ပညာပေးသင့်ပါတယ်။
Q. နာတာရှည်ရောဂါရှိသူတွေအတွက် H1N1တုပ်ကွေးပိုး ကာကွယ်ရေး မှာ ဘယ်လို အချက်တွေကို အထူးလိုက်နာသင့်ပါသလဲ ဆရာ။
A. ပြင်ပ ကူးစက်ပိုးတစ်ခုခု ၀င်လာရင် ခန္ဓာကိုယ်က ပြန်တိုက်ပါတယ်။ လူက ကျန်းမာတယ်၊ ကိုယ်လက် လှုပ်ရှားမှု များများလုပ်တယ်၊ အသီးအရွက်၊ သစ်သီး ၀လံများများစားတယ် . .ကိုယ်ခံအားစနစ် ကောင်း တယ်ဆိုရင် H1N1 ပဲ ၀င်လာပစေဦး၊ သာမန်နှာစေး၊ ချောင်းဆိုး၊ ဖျားနာတာလောက်နဲ့ ပြီးသွားပါတယ်။
ဆီးချို၊ ကင်ဆာ၊ ကင်ဆာကုသမှု ခံယူနေသူ စတဲ့ လူနာတွေနဲ့ ကျန်းမာရေးနဲ့ အညီ မနေတဲ့သူတွေ (ဥပမာ အရက်သောက်တာ၊ ဆေးလိပ်သောက်တာ၊ ကိုယ်လက်လှုပ်ရှားမှု မရှိဘဲ အထိုင်များတာ) က ကိုယ်ခံအားစနစ် သိပ်မကောင်းတတ်ဘူး။ ဒီလိုလူတွေမှာ ပိုးဝင်ရင် ပိုခံစားရတတ်တယ်။ ဒါကြောင့် ကိုယ်ခံအားစနစ်မြင့်တက်စေတဲ့ မုန်လာဥနီဖျော်ရည်၊ ချင်း(ဂျင်း)ပြုတ်ရည် စတာတွေကိုလည်း သောက်ပါ။
ဟင်းသီးဟင်းရွက်၊ သစ်သီးဝလံတွေမှာပါတဲ့ ဗီတာမင်နဲ့ သတ္တုဓာတ်တွေ ရရှိထားတယ်၊ အိပ်ရေး၀၀ အိပ်တယ်၊ ကိုယ်လက်လှုပ်ရှားမှု လုပ်ထားတယ်ဆို ရင် မတော်တဆ ပိုးဝင်ခဲ့ရင်တောင် ကိုယ်ခံအားစနစ် ကောင်းနေတဲ့အတွက် ခံနိုင်ရည်ရှိနေမှာ ဖြစ်ပါတယ်။
Roma Yadav
Credit \\ original
