မြန်မာပြည်သိန်းတန်ဆိုတဲ့နာမည်ဖြစ်လာပုံကိုပြောပြတဲ့ ဦးသိန်းတန်

မြန်မာပြည်သိန်းတန်ဟာ လွန်ခဲ့တဲ့နှစ်ပေါင်းများစွာကတည်းက မြန်မာနိုင်ငံဂီတလောကရဲ့ အမြုတေရတနာတစ်ပါးဖြစ်ခဲ့ပြီိး မြန်မာတစ်နိုင်ငံလုံးက ပရိသတ်တွေရဲ့ တခဲနက်အားပေးမှုကိုခံရတဲ့အဆိုတော်တစ်ဦးလည်းဖြစ်ပါတယ်။ ဦးသိန်းတန်ဟာ အခုအချိန်အထိလည်း အောင်မြင်မှုကိုထိန်းထားနိုင်တဲ့ ဝါရင့်အနုပညာရှင်တစ်ဦးဖြစ်ပြီး ချစ်ဇနီးတေးချစ်သူနဲ့အတူ ဝါသနာပါတဲ့အနုပညာကိုလုပ်ပြီးဘဝကိုပျော်ရွှင်စွာဖြတ်သန်းနေသူဆိုရင်လည်းမမှားပါဘူး။ဦးသိန်းတန်ရဲ့ ဇနီး တေးချစ်သူဟာဆိုရင်လည်း ဦးသိန်းတန်နဲ့ရှေ့သွားနောက်လိုက်ညီစွာပဲအနုပညာကိုချစ်မြတ်နိုးပြီး ခင်ပွန်းရဲ့အနုပညာအလုပ်တွေကိုလည်းအစွမ်းကုန်ပါရမီဖြည့်ပေးတတ်သူတစ်ဦးဖြစ်သလို ဦးသိန်းတန်ကိုချစ်မြတ်နိုးတာလည်း ပေါ်လွင်လှတယ်လို့ဆိုရမှာပါ။

တေးချစ်သူကိုလည်းဦးသိန်းတန်က ယုယကြင်နာပြီး လူပုံအလည်မှာပဲဖြစ်ပါစေ အလိုလိုက်အကြိုက်ဆောင်တတ်သလိုဘယ်သူတွေကြည့်ကြည့်ဂရုမစိုက်ပဲဓာတ်ပုံတွေစပယ်ရှယ်ရိုက်ပေးတာမျိုးလည်းလုပ်တတ်တာကြောင့် ဦးသိန်းတန်တို့ဇနီးမောင်နှံကတော့ ပရိသတ်တွေအားကျရတဲ့ ဇနီးမောင်နှံလေးလည်းဖြစ်ပါတယ်။ ဦးသိန်းတန်ကမကြာသေးမီက အကုန်သိမီဒီယာနဲ့အင်တာဗျူးမှာ မြန်မာအပြင် အိမ်နီးချင်းနိုင်ငံတွေမှာပါ အောင်မြင်ကျော်ကြားလှတဲ့ မြန်မာပြည်သိန်းတန်ဆိုတဲ့ နာမည်ဖြစ်ပေါ်လာပုံကို ပြောပြပေးသွားပါတယ်။ဦးသိန်းတန်က မြန်မာပြည်သိန်းတန်ဆိုတဲ့နာမည်ကိုပြောင်းဖြစ်ပုံကို “Playboy သန်းနိုင်၊ ကိုသန်းနိုင်တို့နဲ့အတူတူနေရင်းနဲ့မှ မြန်မာပြည်သိန်းတန်ဆိုတဲ့နာမည်ကိုပြောင်းဖြစ်တာ။ အဲဒီတုန်းက အန်ကယ်က ခုနစ်မိုင်ခွဲက ဦးဘသိန်း studio ခြံကြီးထဲမှာ အန်ကယ်က စီးရီးတစ်ခုကိုတီးနေတာ။အန်ကယ်တို့အဖွဲ့က စီးရီးတစ်ခုကိုသွင်းနေကြတာ။ အဲဒီအချိန်မှာ”လို့ ပြောပြထားပါတယ်။

ငယ်သူငယ်ချင်းတစ်ဦးရဲ့လှုံ့ဆော်မှုကြောင့်လည်းပါကြောင်းအန်ကယ်က “အဲဒီမှာ သူငယ်ချင်းတစ်ယောက်လာတယ်။ ဂီတဥယျာဉ်ဇော်မင်းကြီးက အန်ကယ်နဲ့ ငယ်ငယ်ကတည်းကကျောင်းနေဘက်သူငယ်ချင်း။ အဲဒီအချိန်အခါမှာ သူငယ်ချင်းက ဘာလုပ်နေလဲဆိုတော့ ဂီတဥယျာဉ်သီချင်းစာအုပ်တွေဂီတဥယျာဉ်ဆိုတဲ့နာမည်နဲ့သီချင်းစာအုပ်။ အဲဒီမှာ ဓာတ်ပုံလေးတွေလည်းထည့်တယ်။ အဲဒီအချိန်မှာပါတဲ့သီချင်းတွေ။အမိအရ အမီထည့်တယ်။ ပရိသတ်ကိုဖြန့်ဝေရောင်းချတယ်။ သူအဲဒါနဲ့ တော်တော်စီးပွားဖြစ်တယ်။ အဲဒီမှာ Dသချင်းစာသားတွေအပေါ်မှာ ဂီတာကော့ဒ်။ ဘယ်နေရာမှာဘယ်လိုပြောင်းရမလဲဆိုတဲ့ ကောဒ့်သင်္ကေတလေးတွေပါ အန်ကယ်ကသူ့ကိုကူညီပြီးတော့ ထည့်ပေးရတယ်။ ဒီသီချင်းစာအုပ်မဖြစ်ခင်။အဲဒီမှာသူက အန်ကယ့်ပုံလည်းထည့်ချင်တယ်တဲ့။ စတူဒီယိုကိုလိုက်လာပြီးတော့ နာမည်ပြောင်းချင်တယ်တဲ့။ ပြောင်းရင်ကောင်းမယ်တဲ့။အကြံပေးတယ်”လို့ သတိတရပြောပြထားပါသေးတယ်။

မြန်မာပြည်သိန်းတန်ဆိုတဲ့နာမည်ကိုရွေးဖြစ်ခဲ့ပုံကိုတော့ ဦးသိန်းတန်က “အဲဒီအချိန်မှာ တွံတေးသိန်းတန်က နာမည်ကြီးနေတာလေ။ ဟိုးလေးတကျော်တစ်ပြည်လုံး နာမည်ကြီးနေပြီ။ အဲတော့ အန်ကယ်ကလည်း စဉ်းစားတယ်လေ။ စဉ်းစားဆုံးဖြတ်တယ်။ မြန်မာပြည်ထည့်မယ်လို့။ မြန်မာပြည်တစ်ပြည်လုံးကိုကိုယ်စားပြုချင်တယ်။ အန်ကယ်ကလည်း အင်းဝဇာတိဆိုတော့ တောသားဆိုတော့ မြန်မာပြည်မှာ ဒီလိုဖြစ်ရတာကို မသိစိတ်ကတော်တော်လေး ကျေနပ်နေတာပေ့ါ။ အန်ကယ် 2017 တုန်းက အမေရိကားကနေ ပထမဆုံးမြန်မာပြည်ကိုပြန်လာတဲ့အခါမှာ လေဆိပ်မှာလမ်းလျှောက်နေရင်းနဲ့ အောင့်တောင်မအောင့်နိုင်တော့ဘူး။ လမ်းလျှောက်နေရင်းနဲ့ မြန်မာပြည်မြေကြီးကို ကုန်းနမ်းမိတယ်လေ။ ကြည်နူးလွန်းလို့။ငါဒီနေရာဒီဒေသကနေ လူဖြစ်လာတယ်။ မွေးဖွားလာတယ်။ ဒီနေရာကို ပြန်ရောက်ရတယ်။ ဒီနေရာဟာ ငါ့ကျေးဇူးရှင်ပဲဆိုပြီးတော့။ အဲဒီတော့ မြန်မာပြည်တပ်ကွာဆိုပြီး။ မြန်မာပြည်သိန်းတန်ပေါ့။ အဲဒီအချိန်ကနေ မြန်မာပြည်သိန်းတန်ကို ရွေးဖြစ်လိုက်တော့တာပဲ”လို့ ရင်ဖွင့်ထားခဲ့ပါတယ်။ပြောချင်လွန်းလို့ပရိသတ်ကြီးလည်း Legend တစ်ဦးလို့ဆိုရမယ့် မြန်မာပြည်သိန်းတန်ဟာ မြန်မာပြည်သိန်းတန်နာမည်ကိုဘယ်လိုရလာသလဲဆိုတာကို သိလိုက်ရလို့ကျေနပ်ကြလိမ့်မယ်ထင်ပါတယ်။ ပရိသတ်ကြီးရော မြန်မာပြည်သိန်းတန်ကိုအားပေးကြလား။ မြန်မာပြည်သိန်းတန်ရဲ့ နောက်ထပ်လုပ်မယ့်ဖျော်ဖြေပွဲတွေကိုရောအားပေးကြမှာလား။ပြောခဲ့ကြပါဦး။Can’t Wait To Say